मुक्तक १
देशमा शान्ति के आश गर्नु भाला खुँडा तरवारबाट
मजदुर पिडित् बजार भाउ खर्चिलो त्यो घरवारबाट
महङ्गीले आकाश छोयो, जनता सदा मर्कामा छन्,
नेता साँढे भुक्छन् सँधै, अझै सिंहदरवारबाट।

मुक्तक २
आफैंले पुज्ने ईश्वर देब्रे ला’गेपछि था’पाउँछौ।
घरमा साहु आई नासो मागेपछि था’पाउँछौ ।
दिनरात रक्सी खाई श्रीमती नकुट साहिँला,
भोली श्रीमती पोईला भागेपछि था’पाउँछौ।

मुक्तक ३
भगाउनु छ सारा सपना, यि आँखाको नानीबाट
के-के हुन्छ दिनहुँ जसो दर्कि दिने पानीबाट
साँढेहरुको ‘अग्रगमन’ केबल सत्ता केन्द्रित रह्यो,
सदा बच्न कठिन हामीलाई प्राकृतिक यि हानीबाट।

मुक्तक ४
प्रलोभनमा सयौं युवा , तान्न सक्छ राजधानीले
मलाई गाउँले लुते झुम्रे मान्न सक्छ राजधानीले
सपनाको महल द्वारमा भव्य स्वागत गरे पश्चात्
महंगीको हत्यार उठाई हान्न सक्छ राजधानीले ।

– ‘ युद्वकवि ‘ देब के.सी.
शिवपुरी गा. पा. – १
तलाखु, नुवाकोट

प्रतिक्रिया

सम्बन्धित खवर

ताजा समाचार

लोकप्रिय