• कार्तिक २४, २०८३ मंगलबार
    10 Nov, 2026, Tuesday

    गजलकार नमिता दवाडीको गजल : म भित्रको म नमर्ने रहेछ


    २०७९ कार्तिक ९, बुधबार

    २०७९ कार्तिक ९, बुधबार

    भुल जिन्दगीमा आँखा चिम्लेर विश्वास गर्ने रहेछ
    काँडामा लुकेर फूलले पनि कसरी कोतर्ने रहेछ ।

    एकैछिन रोएर गइदिन्छु , हजुरलाई लाभ होला
    आँशुको फस्टाउँदो व्यापारले थैली राम्रै भर्ने रहेछ ।

    अँगालो मारियो ,कुम जोडियो ,खुब रमाइलो भयो
    मन मन छोइन साईँला !कोही कतै सर्नै नपर्ने रहेछ ।

    म नवीन हुन सकिनँ तिम्रो खुसीका लागि के गरुँ
    पिलाएर आँशुको बिष ,म भित्रको म नमर्ने रहेछ ।

    आँसु थन्क्याउनै साहित्य रोज्ने हजुरले के बुझ्नु भो ?
    अन्याय भो कलमलाई , पीडा अक्षरमा नसर्ने रहेछ।

    नमिता दवाडी
    गोरखा , नेपाल
    हाल : न्युजिल्यान्ड

    सम्बन्धित