नुवाकोट।
मनसुन बिदा भए पनि केही दिनयता देशभर वर्षा भइरहेको छ।वर्षा याम सकिए पनि अनपेक्षित रूपमा भइरहेको भीषण वर्षाका कारण बाढी र पहिरोबाट देशका विभिन्न स्थानमा ठूलो मात्रामा जनधनको क्षति भएको छ।
यस्तै बेमौसमी बर्षाले झ्याप्पै छोपेको छ नुवाकोट र धादिङलाई पनि अधिकांश पहाडी भेग भएकोले धानबालीहरु खासै काटिएका छैनन् ।भर्खर फुल्न खेल्न थालेका ठुला धानहरु बाहेक हाइब्रीड धानहरु पाकेका छन।थोपल फाँट र सामरी फाँटमा धानहरु झुलेका छन कतै ढलेका पनि छन् तर झरी लम्बिने हो भने क्षती हुनसक्छन् स्थानिय एक कृषकले गुनासो पोखेका छन् ।
atOptions = {
'key' : 'f9917186bd0575514f4e39cc9f88ea24',
'format' : 'iframe',
'height' : 60,
'width' : 468,
'params' : {}
};
वर्षा हुने क्रम अझै केही दिन रोकिने सम्भावना नरहेको मौसमविद्ले बताएका छन्। पश्चिमी क्षेत्रका सुदूरपश्चिम, कर्णाली र लुम्बिनी प्रदेशमा आजबाट वर्षाको मात्रा केही कम हुने देखिए पनि त्यसयता पूर्वमा भने बढी वर्षा हुने समेत सम्भावना छ।
अहिले पनि प्रदेश १, २, बागमती र गण्डकी प्रदेशमा मध्यमसम्म वर्षा भइरहेको छ।
मौसम पूर्वानुमान महाशाखाले आगामी २४ घण्टाका लागि चेतावनी तथा परामर्श जारी गरेको छ।
जसमा भनिएको छ : प्रदेश १, २, बागमती र गण्डकी प्रदेशका धेरै स्थानका साथै बाँकी प्रदेशका थोरै स्थानमा मेघगर्जन/चट्याङसहित हल्कादेखि मध्यम वर्षाको सम्भावना, देशका मध्य र पूर्वी उच्च पहाडी तथा हिमाली भूभागका केही स्थानमा हल्कादेखि मध्यम हिमपात तथा पश्चिमी उच्च पहाडी तथा हिमाली भूभागमा हल्का हिमपातको सम्भावना र प्रदेश १ का थोरै र प्रदेश २, बागमती र गण्डकी प्रदेशका एक दुई स्थानमा भारी वर्षाको समेत सम्भावना रहेकाले आवश्यक सतर्कता अपनाउन हुन अनुरोध छ।
मौसम पूर्वानुमान महाशाखाका अनुसार हाल देशमा भारतको बिहार र उत्तर प्रदेश आसपास रहेका न्यून चापीय प्रणाली र पश्चिमी वायु प्रणालीको संयुक्त प्रभाव छ।
