नुवाकोट।
काठमाण्डौको चाबहिल एरियाबाट दुर्लभ बन्यजन्तु रेडपाण्डाको छाला सहित २१ बर्षिय नुवाकोटे युवा पनि समातिएका छ।केही व्यक्तिहरुले प्रतिबन्धित दुर्लभ रेड पाण्डाको छाला अबैध रुपमा बिक्रि वितरण गर्नको लागी लुकाई छिपाई ल्याई राखेको छ भन्ने बिशेष सुचनाको आधारमा महानगरीय अपराध महाशाखाको टोलिले उनिहरुलाई पक्राउ गरेको हो।
कार्तिक ७ गते काठमाण्डौ महानगपालिका वडा न ७ चावहिल स्थित सत्कार क्याफेबाट ९० से.मी. लम्बाई र १५ से.मी.चौडाई भएको प्रतिबन्धित दुर्लभ रेड पान्डाको छाला बिक्रि वितरण गर्ने उद्येश्यले लिएर आएका नुवाकोट पञ्चकन्या गाउँपालिका वडा न ४ घर भएका बर्ष २१ को रुपेश अधिकारी काभ्रे रोशी गा.पा. वडा न ३ घर भएका बर्ष २६ को युवक लामा ,संखुवासभा सिलिचुङ गा.पा. वडा न २ घर भएका बर्ष २२ को अरुण राई,सिन्धुपाल्चोक मेलाम्चि न.पा. वडा न २ घर भएका बर्ष २० को सुवाश गिरि, रसुवा गोसाईकुण्ड गा.पा. वडा न ६ घर भएका बर्ष २० को दावा घलेलाई पक्राउ गरि आवश्यक कारबाहीको लागी मिति कार्तिक ८ गते जिल्ला बन कार्यालय काठमाण्डौ पठाईएको छ।
