नुवाकोट/
जिल्लाका दुई युवक लागुपदार्थ (ब्राउन सुगर)सहित पक्राउ परेका छन्। ककनी गाउँपालिका -७ का राकेश बलामी र पन्चकन्या गाउँपालिका -६ का रोशन थापा पक्राउ परेका हुन् ।
उनीहरुलाई काठमाडौको तारकेश्वर नगरपालिका -२ मिलमिलाप टोलबाट पक्राउ गरिएको प्रहरीले जनाएको छ। उनीहरुको साथबाट अवैध लागूऔषध ब्राउनसुगर जस्तो देखिने पदार्थ ८ ग्राम ५ मिलिग्राम र नगद ७ हजार ४ सय रूपैयाँ वरामद गरिएको प्रहरीले जनाएको छ।
प्रहरी वृत्त बालाजुबाट खटिएको प्रहरीले उनीहरूको कोठाबाट उक्त लागु पदार्थ फेला पारी पक्राउ गरेको हो।
