म झुपडीकाे हुँ महलमा वस्नेसँग तुलना मिल्दैन
सत्य वाेल्छु हजुर चिप्लो घस्नेसँग तुलना मिल्दैन।
कतै विष निकालेर अरुकाे कुभलाे गर्नु नपराेस
चाप्लुसी गरेर साँपले झै डस्नेसँग तुलना मिल्दैन ।
अरुकाे घर आँगन त्यो उजाड पारेर हाँस्न सकिन्न
भिरमा लडाई घरभित्र पस्नेसँग तुलना मिल्दैन ।
विश्वासमा नै आगाे लगाएर खरानी गरिसकेपछि
मुटुमा वसेर घातमा छुरा धस्नेसँग तुलना मिल्दैन ।
सँगै पाईला हिडेकाहरुले यहाँ आगाे लगाएपछि
दुनियाँ छलेर आफ्नै सुर कस्नेसँग तुलना मिल्दैन ।
भगवती खनाल (सुनाखरी)
नुवाकोट
