जब मक्किन थाल्यो
सिद्धान्तका बलिया खम्बाहरु
जब चुँडिन थाल्यो
जन आस्थाका लचकदार डोरिहरु
तब न ढलेको हो माओवाद गर्लम्म।
हो गाँसिएनन जनजिविकाका सवालहरु पर्खालमा
जोडिएनन सर्वहारा मजदुर वर्ग पार्टीमा
अटाएनन ईमानदार कार्यकर्ता घर भित्र
तब न ढलेको हो माओवाद गर्लम्म ।
जब चोइटिदै गयो भातृ संगठनका दलिनहरु
कुहिदै गए मुक्ती आन्दोलनका निदालहरु
जब रहेनन जनताको माया रुपि छानोहरु झुपडीमा
निभ्न थाल्यो बिस्तारै भरोसाको दियालो।
तब न ढलेको हो माओवाद गर्लम्म ।
विचार ढलेको होईन
सिद्धान्त मरेको पनि होइन
केवल
ढलेका हुन केही स्वार्थी व्यक्तिहरु।
कहिल्यै नउठ्ने गरि सुतेका हुन दलाल नेताहरु।
हो यहाँ गल्ती कसैको छैन
पुँजिवादको चर्का नारा दिएर
गलामा सुनको सिक्री झुण्ड्याउने एकहुल छ।
सर्वहाराको नाम दिएर
रातारात महल ठड्याउने अर्को हुल छ
पजोरोमा सरर आफू हुइकिदा
ठेलावालालाई हिलो छ्याप्ने तेस्रो हुल छ
तब न ढलेको हो माओवाद गर्लम्म ।
तब न ढलेको हो माओवाद गर्लम्म ।
रामचन्द्र तिम्सिना (आवाज)
म्यागङ ५ सामरी, नुवाकोट
