नुवाकोट जागरण
२०७९ वैशाख २४, शनिबार
२०७९ वैशाख २४, शनिबार
काठमाडौ /
दोस्रो एकदिवसीय क्रिकेटमा नेपालले जिम्बाबे ए माथि ९ विकेटको शानदार जित हात पारेको छ।
शनिबार कीर्तिपुरस्थित त्रिवि क्रिकेट मैदानमा भएको खेलमा नेपालले जिम्बाबेले दिएको ८८ रनको सामान्य लक्ष्य १ विकेटको क्षतिमा ११ ओभर २ बल खेल्दै ८९ रन बनाएर पूरा गरेको हो।
नेपाललाई जित दिलाउने क्रममा सुनिल धमलाले ३८ रन बनाए भने आसिफ शेखले अविजित ३४ रन बनाए। विनोद भण्डारी ४ रनमा अविजित रहे।
यसअघि टस हारेर ब्याटिङ गरेको जिम्बाबेले ३१ ओभर ५ बलमा सबै विकेट गुमाएर ८७ रन बनाएको थियो।
जिम्बाबेलाई सस्तैमा रोक्ने क्रममा नेपालका लागि करण केसी र सोमपाल कामीले समान ३/३ विकेट लिए। त्यस्तै सन्दीप लामिछानेले २ र सागर ढकालले १ विकेट हात पारे।
