रौतहट/
नक्कली नेपाली नोटसहित २ जना भारतीय नागरिकलाई रौतहट प्रहरीले पक्राउ गरेको छ ।प्रहरी चौकी मोतीपुर नरकटियाबाट खटिएको गस्ती टोलीले परोहा ८ नरकटियामा चेकजाँच गर्ने क्रममा उनिहरुलाई पक्राउ गरेको हो।
पक्राउ पर्नेहरूमा भारत बिहारका विकाश जयसवाल र अजय प्रसाद रहेका छन् ।
रौतहट प्रहरी प्रमुख एसपी बिनोद घिमिरेका अनुसार उनीहरुको साथबाट १ हजार को दरको ६९ थान र रु ५ सय दरको १ थान गरी जम्मा ६९ हजार ५ सय नक्कली नोट फेला परेको हो ।पक्राउ परेका दुबैजना माथि थप अनुसन्धान भईरहेको जिल्ला प्रहरी कार्यालय रौतहटले जनाएको छ ।
