हो म त्यही बालक हुँ !

खाना नखाएको हैन,
तर अघाएको छैन !
आराम पाएको होइन
सायद पारिवारिक भार बिसाएको छैन !!

जन्मदिने आमाबुबालाइ सैतान कसरी भनु,
तर कलहको बिचमा कसरी म रहु !
परिवारले वास्ता गरेनन् भन्या होइन ,
तर साथ सपोट र भर पाएको छैन !!

हो म त्यही बालक हुँ !!!

बिहान सबेरै जाने काम,
सायद पाएनन् होला आराम !
तर बालकलाई हेरचाह पनि चाहिन्छ ,
अनि त बुढेसकालमा सेवा पाइन्छ !!

सिकायौ आमा तिमिले कलम कापी च्याप्न,
सिकायौ बाबा तिमिले सीपकला जान्न !
एकोहोरो दृष्टिकोणमा पुर्यायौ तिम्रा कर्म ,
तर कहिल्यै बुझेनौ यो बालकको मर्म !!

सबैलाई माया गर्नभनी सिकाएको होइन !
तर त्यो माया मैले नै पाएको छैन !!

हो म त्यही बालक हुँ !!

सिर्जन ढुङ्गाना
कक्षा १०
लोटस् एकेडेमी
सिमरा, बारा