नुवाकोट /
भारत–नेपाल अन्तर्राष्ट्रिय कराते च्याम्पियनसिपमा नेपाली टोलीले ९ स्वर्णपदक हातपारेको छ। नुवाकोटको सामरी कल्लाबारी डोजोका ६ खेलाडीले उक्त पदक हात पारेका हुन।

भारतको हातरसस्थित BLS इन्टरनेशनल स्कूलमा सम्पन्न ८औँ भारत–नेपाल अन्तर्राष्ट्रिय कराते च्याम्पियनसिप २०२५ मा नेपाली खेलाडीहरूले उत्कृष्ट प्रदर्शन गर्दै कुल ९ स्वर्ण पदक आफ्नो नाममा दर्ता गर्दै सेकेन्ड टिम ट्रोफी (trophy ) पनि हासिल गरेको सामरी कल्लाबारी डोजोका मुख्य प्रशिक्षक गणेश तामाङले बताए।

समारोहमा सहभागी खेलाडीहरूको पदक विवरण यस्तो छः

ओस्प्रिना तामाङ(१० वर्ष) – २ स्वर्ण पदक
सरोज तामाङ (१४ वर्ष) – २ स्वर्ण पदक
आयुष तामाङ (११ वर्ष) – २ स्वर्ण पदक
निराज तामाङ (१६ वर्ष) – १ स्वर्ण पदक
सुबिक्ष्या तामाङ (११ वर्ष) – १ स्वर्ण पदक
रोशन ओली (१६ वर्ष) – १ स्वर्ण पदक

विश्व बुडो शोतोर्यु कराते फेडेरेसन तथा कराते इन्डिया अर्गनाइजेशन (KIO) द्वारा अनुमोदित यो च्याम्पियनसिपमा नेपालका युवा खेलाडीहरूको प्रदर्शन निकै प्रभावशाली रहेको आयोजकहरूले बताएका छन्। नेपाली टोलीले विभिन्न उमेर र तौल वर्गमा अपूर्व कौशल प्रदर्शन गर्दै भारतमा राष्ट्रिय झण्डाको गौरव उचाल्न सफल भएका छन्
यस ऐतिहासिक सफलताले आगामी अन्तर्राष्ट्रिय प्रतियोगिताहरूमा नेपालको सम्भावना अझ बलियो रहेको पुष्टि गरेको छ।