जङ्गली फूललाई माली चाहिँदैन

उनीहरुको ताल अनुसार
नाच्न नजानेपछि
उनीहरुको चाल अनुसार
चल्न नजानेपछि
उनीहरुको रङ्ग अनुसार
फुल्न नमानेपछि
शहरीया मान्छेहरुले एकदिन आजित हुँदै सरापे

जङ्गली !

तब म जन्मजात जङ्गली पाराले नाच्दै उफ्रिएँ
यो सम्झेर कि
ढिलै भएपनि बुझेछन्
यी सभ्य भनाउँदा शहरीयाहरुले
जङ्गली हात्तीले माउते मन पराउँदैन
जङ्गली फूललाई माली चाहिँदैन ।

राधिका कल्पित
काठमाडौं