‘युद्वकवी’ देव केसीका तीन मुक्तक: क्विन्टलको ईज्जत किलो भएपछि

हुनुपर्ने ओभानो तर सावित् हिलो भएपछि।
बन्नुपर्थ्यो साह्रो, तर अति गिलो भएपछि।
करोडपति बन्नुको के औचित्य महोदय ,
क्वीन्टलको ईज्जत घटेर किलो भएपछि ।

***********************

अन्जानलाई सम्मान, जान्नेलाई लत्याउने सम्म हुन्छ।
ईमान्दारलाइ ईन्कार, बेईमानलाई पत्याउने सम्म हुन्छ ।
कलाकारको राजनिति पनि महोदयले बुझ्नु भयो नि ?
साथीले साथी लुट्ने फसाउने ज्यान हत्याउने सम्म हुन्छ ।

**********************

देशमा शान्ति के आश गर्नु भाला खुँडा तरवारबाट
मजदुर पिडित् बजार भाउ र खर्चिलो त्यो घरवारबाट
महङ्गीले आकाश छोयो, जनता सदा मर्कामा छन्,
नेता साँढे भुक्छन् सँधै, अझै सिंहदरवारबाट ।

“युद्वकवि” देव के.सी.
शिवपुरी – १, नुवाकोट