गजलकार भगवती खनाल “सुनाखरी”को गजल – चोटहरु मलमले ढाक्न नमिल्ने रैछ

मनमा वस्नेलाई भुईमा राख्न नमिल्ने रैछ
दिलकाे चाेटहरु मलमले ढाक्न नमिल्ने रैछ।

आँसुले भरियाे जीवन भनेर रुन्छन् संसार नै
पिरहरु हटाई खुसीहरु डाक्न नमिल्ने रैछ।

कला रहेछ जिन्दगी सिक्ने र सिकाउने खेल छ
लडियाे भनेर हरेस खाई थाक्न नमिल्ने रैछ।

जित्नेहरुले जित्छन् केही हार्नेहरुले हार्छन् केही
तमासा अनेकौंमा यहाँ एक ताक्न नमिल्ने रैछ।

भगवती खनाल (सुनाखरी)
नुवाकोट