दिउँसै रात पार्न हत्केलाले घाम छेक्नेहरूलाई धिक्कार !
स्वस्थ गोडा गिँडेर बैसाखी टेक्नेहरूलाई धिक्कार !!
प्रह्लादसामु होलिकाको के हाल भएथ्यो, याद होलानि ?
युद्धभट्टीमा सत्ताको रोटी सेक्नेहरूलाई धिक्कार !
**************************
फुट्दा गाग्रो घोप्टियौ वा पोखियौ के भयो ?
वजन घट्ने तुलोमा पो जोखियौ के भयो ??
आफ्नै रगतले वैरीको अभिषेक गर्यौ रे !
केवल चोख्यायौ उसलाई वा चोखियौ के भयो ???
*************************
मुटु छ या पिपको कुण्ड छातीमा रक्तनलीलाई सोध ।
भुल्यौ आफ्नै इतिहास यदि भने वेदीको बलिलाई सोध ।
देश जलिरहँदा बाँसुरी फुक्ने ए नेपाली निरो महाराज !
भँगेराबाट भुत्लिनुपर्दाको पीडा गौँथलीलाई सोध ।।
भरत सिग्देल
नुवाकोट
