नुवाकोट/
जिल्लाको किस्पाङ गाउँपालिका- ५ नयाँपुलमा बुधबार भएको दुर्घटनामा परि एकको ज्यान गएको छ ।गल्छी-त्रिशुली-मैलुङ सडक खण्डको किस्पाङ गाउँपालिका -५ स्थित नयाँपुलमा टिपरले मोटरसाइकललाई ठक्कर दिँदा मोटरसाइकलमा सवार एक जनाको मृत्यु भएको हो ।
बा ३ ख ८५१० नम्बरको टिपरले विपरीत दिशाबाट आउँदै गरेको बा ७१ प ४६७६ नम्बरको मोटरसाइकललाई बुधबार साँझ ठक्कर दिएको हो ।
टिपरको ठक्करबाट मोटरसाइकलमा सवार किस्पाङ गाउँपालिका वडा नं- ५ मानेगाउँ बस्ने अन्दाजी ३२ बर्षीय यम बहादुर तामाङको मृत्यु भएको जिल्ला प्रहरी कार्यालय नुवाकोटका डीएसपी रूपक खड्काले बताए ।
फरार टिपर चालकको खोजि भइरहेको प्रहरीले जनाएको छ ।
