नेपाली महिला भलिबल टोलिको लगातार तेस्रो जित

काठमाडौ /
नेपाली राष्ट्रिय महिला भलिबल टोलीले “एभिसी एशियन सेन्ट्रल जोन भलिबल”मा अपराजित यात्रा कायम राखेको छ। शनिबार भएको खेलमा आयोजक बंगलादेशलाई सोझो सेटमा पराजित गर्दै नेपालले लगातार तेस्रो जित निकालेको हो।

नेपालले घरेलु टोलीलाई २५–५, २५–१५ र २५–१७ ले पराजित गर्दै एक पक्षीय जित हात पारेको हो। नेपालले पहिलो खेलमा श्रीलंकालाई ३–२ ले तथा दोस्रो खेलमा माल्दिभ्सलाई ३–० को सोझो सेटमा पराजित गरेको थियो।